昨晚看刁民才收到這單料：有網民在Uwants討論區發表有關東方日報創辦人馬氏家族成員，在70年代涉嫌干犯罪行的言論，惹來東方報業集團入稟控告誹謗，要求Uwants「就該等惡意中傷言論對東方報業造成的損害作出賠償，並要求提供該名用戶的IP地址等個人資料。」
先看一些無可爭議的客觀事實：
七十年代三份剪報 (可放大)： 
其實 TheOne88 的言論裡，除卻上述事實，更夾雜了好些想當然，估估下的江湖傳聞，加上圖文並茂，難怪當事人會感到瘡疤被挖，火都來埋。而事隔30年，這些傳聞也實在無從考證，所以要告誹謗一定告得入。
但這些風言風語，吹了幾十年，就好像那封「娛圈深喉爆大鑊」電郵，有誰未收過？又有誰會認真去相信？難道有人想借此機會為一班老叔父製造平反/洗底的假象？
講左咁耐，到底呀 TheOne88 寫左d乜野， 捺到人家咁興？雖然 Uwants 同香港討論區等本地大谷早已聞風刪除晒有關言論，想看的話，只須在任何搜尋器輸入下列字句：
香港有三大潮州幫海洛因大亨 結果搵到.....
嘩!呢篇野原來周地都係!TheOne88可能只係是但轉貼，根本唔係原作者!
咁點解東方個個都唔告，淨係揀無大財團背景o既Uwants來開刀？無他，打官司係金錢遊戲，比做你夠唔夠膽就去郁 Yahoo或者Sina? (好彩我呢個都係SinaBlog, 嘿嘿... ...)
寫到呢度諗起，東方成日話自己被政府迫害，由淫審處捉裸照，以至衛生署捉不良醫藥廣告，每當唔告人地淨係告佢時，就會大大聲話政府選擇性執法，那副嘴臉十足十一個頑童做了壞事被老師抓包，還要駁嘴「小明同星仔夠有份啦，點解淨係罰我一個喎~~」現在可好，只告Uwants, 還要加演一幕自打嘴巴，真有夠丟人現眼的。
以上純屬作者個人意見，並不代表新浪網立場。如有任何要求投訴，歡迎來函索取本人姓名、身分證號碼、IP地址等個人資料 ： edmondsiu@sinatown.com
